انتشرت في هذه الأيام علي مواقع النت وفي المراسلات قصيدة بعنوا " من الرئيس إلي الشعب الحبيب " , وهي لا تنسب لشاعر معين ولكن يطلق عليها قصائد سرية لمدي تعبيرها عن الإحتقان والتمرد التي انتجت هذه الابيات الرافضة للوضع السياسي والاقتصادي والاجتماعي وهذا هو نص القصيدة :
ياشعبي حبيبي يا روحي يا بيبي
يا حاطك في جيبي يا ابن الحلال
يا شعبي يا شاطر يا جابر خواطر
يا ساكن مقابر وصابر وعال
يا واكل سمومك يا بايع هدومك
يا حامل همومك وشايل جبال
يا شعبي يا نايم وسارح وهايم
وفي الفقر عايم وحاله دا حال
أحبك محشش مفرفش مطنش
ودايخ مدروخ وآخر انسطال
لكن لو تفكر تخطط
تقرر تشغلي مخك وتفتح جدال
وتبدا تشاكل وتعمل مشاكل
وتنكش مسائل وتسأل سؤال
هابهدل جنابك واذل احبابك
وهيكون عذابك دا فوق الاحتمال
هتقبل هاحبك هترفض هلبك
هتطلع هتنزل هاجيبلك جمااااال
وزي أما اشوفنا قصيدة تعبر عن حال الشعب وحال حاكمه علي فكره القصيدة اتنشرت في صحف معارضه .
5 comments:
هى فعلا سريه للغايه
لدرجه انى دا المرة الاف بقراها فى مكان مختلف
القصيده فعلا تعبر عن حال الشعب
تحباتى لك على جراتك فى النقل
مع تمنياتى بدام التوفيق
انا قرات القصيدة دى كتير
بتفكرنى بقصيدة كلنا بنحبك يا حمار
فاكرها يا هانى ؟
على العموم سرية سرية
اهى مجرد تعبير عن الرأى لا حيقدم ولا حيأخر
السلام عليكم
فى حاجة محيرانى يادكتور ازاى القصيدة السرية دى تسربت لحضرتك
جميلة جدا
كاتبها فنان
تحياتي
شكرا لك على هذه الطرح الجميل والممميز
Post a Comment