صوووووووووووووووووويت

السلام عليكم ورحمة الله

طبعا انتم مستغربين من عنوان البوست ده , بصراحة الواحد نفسه يعملها نفسي اطلع علي جبل عالي وصوت بأعلي صوت وأقول .....

ارحمنا يارب

اعفو عنا

ارحمنا من هؤلاء الظلمة

يارب انصر الإسلام

كفايانا ظلم وهوان وطغيان

خلاص يارب فاض بنا الكيل

يارب الأمة الإسلامية بتهاجم من قبل أعدائك

فلسطين وافغانستان

كوسوفا و الشيشان

العراق و السودان

ده غير الحكام الظالمين الي بيحكموا بقيت الدول الإسلامية

اصبح عد الدول الإسلامية الي فيها مشاكل صعب من كتر عددها

بس بعد كده بفتكر الأية ( إن الله لا يغير ما بقوم حتي يغيروا ما بأنفسهم ) فعلا احنا السبب سكوتنا علي الي بيحصل هو السبب 17 دولة اوربية اساءت للنبي صلي الله عليه وسلم وسكتنا مش قصدي عمل مظاهرات وخروج في الشارع بس لا التزامنا كمان بسنة نبينا اصبح غائبا ,

سكتنا .... سكتنا علي احالة العديد من شرفاء البلد الي محاكم عسكرية ورضينا بهذا الظلم ولم يتحرك ساكن من الشعب

سكتنا ... سكتنا علي اعتقال الكثير من برده شرفاء البلد وكأنهم هم الحراميه عجيبة

سكتنا .... سكتنا علي حصار غزة وما يحدث فيها وكأنهم قوم لا نعرفهم حتي لم تراعي حقوق الدولة الشقيقة

سكتنا ... سكتنا علي ما تريد وما تفعله الدول الأوروبية في كوسوفا وفي المسلمين هناك

بصراحة السكوت طول ولازم له من نهاية ويمكن مبشرات النهاية بدأت تظهر في أجواء الأمة الإسلامية واكيد احنا الي حنضحك في النهاية لانها دعوة الله ودعوة الله لا تهزم بس هل احنا حنكون الجيل ده ولا حنموت في عصر الذل والهوان ؟؟؟؟؟؟

عذرا ولكن

السلام عليكم ورحمة الله وبركاته

زملاء الأحباء بداية احب ان اعتذر عن انقطاعي هذه الفترة عن التدوين , ولكنه كان خارج عن إرادتي فاعذورني ,

في الأيام القليلة الماضية حدث الكثير من الأحداث المهمة بداية من حصار غزة واعتقال المعتقلين ولا نهاية بعد ذلك

ولكني فضلت بدلا من كتاباتي او طرقعتي علي الكيبورد اني اعمل وابذل قصار جهدي لمحاربة تلك الأحداث .

فحصار غزة لم يكن حصار للقطاع أو أهله ولكنه كان حصار لنا .

نعم كان حصار لكل عربي حصار لكل مسلم ومازال حصار يطبق علي رقابنا حتي يتم تحريره

ولذلك قررت ان احاول جاهدا لفك هذا الطوق عن رقبتي , قررت ان اعمل جاهدا لمعاونة إخواننا في غزة , وكما يعلم بعضكم أني أعمل في اتحاد الأطباء العرب فرع الإسكندرية مسئولا للملف الطبي فلقد قررنا في الاتحاد عمل القوافل الإغاثية لمعاونة إخواننا في غزة

ولذلك اخواني واخواتي ادعوكم للمشاركة معنا في فك الحصار عن غوة بالمعونات من أطعمه جافة , ملابس , بطاطين , اكفان , أدوية فهم في حاجة الي تبرعاتكم

لقد كتبت هذا البوست لأدعوكم للمشاركة في القافلة الرابعة التي ستخرج الي غزة في أقرب فرصة

ونحن في انتظار تبرعاتكم المالية علي حساب رقم

بنك فيصل الإسلامي 134900 ,

ومن يريد التبرع من جميع انحاء الجمهورية من المدونين الاتصال بهذا الرقم

0105076750

تاج تاني مرة

لومكنتش مصري بس عربي
كانت هتبقى إيه نظرتك للمصريين واللي بيحصل في مصر دلوقتي؟

بصراحة .... انا متصورش إني حكون غير مصري

وبعدين لو افترضنا كده الي بيحصل في الدول العربية واحد مافيش فرق كبير

لوكنت أوروبي أو غير مسلم

بردو إيه نظرتك للعرب والمسلمين؟

كنت بقيت مسلم الكلام ده لو انا في عصر تاني غير دلوقتي مثلا في عصر الخلافة اين كانت

لكن في عصرنا الحالي احمد ربنا اني مش مسلم

من الي بيعمله المسلمين

ولكن احتمال ابقي مسلم لما اراه من الظلم الذي يقع علي المسلمين وصبرهم علي تحمله

لوقالولك إنت بقيت رئيس جمهورية هتعمل إيه؟

حرفضها طبعا

بس لو كانت إلزامية حدعي ربنا أنه يوفقني فيها ويعني عليها

لوكان ينفع ترجع طفل تاني وتخليك طفل علطول هترجع؟ وليه؟

حرجع لان الطفل لا يحاسب ويدخل الجنة

لوإنت طبيب وعندك مريض ميؤوس من حالته
أيهما تفضل
إنك تصارحه بالوضع وتقوله كل شيء بأمر الله في الاخرولا تغرس فيه الامل
لغاية لما يموت؟

الأولي مع التانية

حقوله ان الأمل في الله في يديه ملكوت السموات والأرض هو القادر علي أن يشفيك فعليك بطاعته

لوسمح لك برؤية الرسول عليه الصلاة والسلاموإنك تقوله كلمة واحدة بس
أو جملة واحدة بس
هتكون إيه؟

إني أحبك في الله

لوخطبت واحدة أو اتخطبتي لواحد
وأثناء الخطبة اكتشفت أو اكتشفتي إن الطرف الآخرغير قادر على الإنجاب
هيكون تصرفك إيه؟

اولا: حكمل الخطبة عادي جدا والزواج

ثانيا :حتزوج بأخري لكي انجب

لوطلعت القمرهتكتب إيه عليه؟

حكتب عليه حروف من نور وهي: (لله ما في السموات وما في الأرض)

لوكنا في عصر ازدهار الأندلس
كنت تتخيل نفسك إزاي؟

كنت اتخيل نفسي محمد الفاتح

لوأنا مررت التاج ده لحد وما جاوبش عليهأعمل فيه إيه؟

هو حر عايز يجاوب عليه يجاوب

مش عايز براحته

حمرر التاج :

لإسلام رفاعي

ومحمد عطية

ومحمد عصفور

وابوحنين السكندري

ولكل واحد حيشرفني بالتعليق

تاج جديد

قالوا لك اختار عصر من عصور مصر علشان تعيش فيه تختار أى عصر وفى عهد أى حاكم .. واشمعنى ؟
العصر الي انا فيه لان ربنا سبحانه وتعالي خلقني فيه مسلم الله اعلم لو عشت في عصر تاني حكون ايه غير كده ربنا خلقنا في العصر ده عشان نغيير فيه وننشر دعوته

أول أولوية فى حياتك عيلتك ولا شغلك ولا اصحابك؟
ولا واحدة فيهم اولويتي هي دعوتي وبعدين أهلي ونفسي واصحابي
ايه أكتر حاجة بتحبها فى رمضان ؟
صلاة التهجد

اوصف أجمل فطار ممكن تفطره؟
اجمل فطار اما يكون كل احبابي معايا وقعدين في الجنة بنشرب من نهر الريان
لو انت حاكم على مجموعة من الأفراد حتكون عادل ؟ طب حتتأكد أزاى انك حاكم عادل ؟؟
الله اعلم ولكني اتمني من الله سبحانه وتعالي اني اذا حكمت في افراد ان احكم بالعدل

وحعرف من المحكومين هما الي بيقيموا الحاكم ويوجهوه
مين أكتر اعلامى مصرى بتحترمه ؟
كل اعلامي شريف انا بحترمه كل اعلامي بيعمل لفضح الظلم والفساد
لو ممكن تشتغل شغلانة تانية كنت تتمنى تبقى ايه ؟؟

اكون قائد جيوش المسلمين
ايه تانى بلد تتمنى تعيش فيها بعد مصر ؟؟
مصر لاني مش متخيل اعيش في بلد تانيه غيرها
اوصف ترتيبات اجمل فرح ممكن تحضره ؟
اجمل فرح ممكن احضره فرح عروسة فلسطينية تزف في يوم استقلال القدس وفلسطين

حتي لو كان من غير فرق افراح ولكن كفاية الفرحة الي حتكون موجودة
بتراعى كلام الناس والقيل والقال ؟؟ ولو اه او لا قول ليه ؟
انا يهمني كلام الناس ولكني لا اراعيه

يعني انا مبعملش حاجة عشان يقولوا هاني عمل

ولكن كلام الناس في بعض الاحيان بيكون مفيد للفرد في اصلاح نفسه وعيوبه
السعادة هى ..؟
السعادة هي الرضا في كل الاشياء..... رضا الله.........رضا الوالدين .......رضا النفس ..........رضا الزوجة .......رضا الاخوة .....رضا الأبناء

عندك أمل ؟ اسبابك ؟
بالطبع

لان الله سبحانه وتعالي هو وحده في يديه مقاييس تغيير الأمور

ومن ليس له امل انسان بلاهوية

لما بتحب تهرب من كل شئ بتروح فين ؟؟
مبرحش في حته

لاني مبحاولش اهرب احب اواجه مشاكلي بشجاعة
امتى اول مرة خدت فيها نفس طويل وقلت ياااه انا فعلا كبرت ؟؟
اول اما تحملت مسئولية نفسي

وخصوصا اول اما دخلت جامعة لاني كنت في اسيوط
بتشرب سجاير ؟؟ وايه شعورك اما ست او راجل بيشرب سجاير ؟ ليه ؟
لا الحمد لله
ربنا يهديهم
بتعرف ايدك اليمين من الشمال ازاى ؟؟
هما عارفين بعض
ايه اكتر الة موسيقية بتحبها ؟
مفيش
فى رأيك ليه الذوق والنخوة اتعدموا ؟
عشان اسلامنا اصبح غريبا

ايه الحاجة اللى لو حصلت لك حتبقى سعيد اوى ؟
اني اخلف ولد وبنت يعرفوا ربنا كويس
تحب يبقى عندك ارض زراعية ولااجنس عربيات ولاكام عمارة ولافلوس فى البنك ؟
ولا واحدة في دول

احب يكون عندي مستشفي خيرية

البحر ولا النيل ؟
النيل لانه شفاف

اما البحر فهو غويط مالهوش اخر
مركب ولا طيارة ؟
طيارة

لان الطموح لازم يكون عالي
مجنون ولا عاقل ؟
عاقل
تقرا كتاب ولا تتفرج على فيلم ؟
اتفرج علي فيلم بس يكون فيلم هادف يحمل معاني طيبة اسلامية وده مش موجود حاليا فالجأ للقراءة
تمرر التاج ده لمين ؟

لكل مدون حيعلق علي التاج

آه يابلد

السلام عليكم ورحمة الله وبركاته

آه يابلد فيكي حكام مبيحرموش ظلم وفساد , آه يابلد فيكي شعب حب الشقي والتعب والذل , آه يابلد يالي لقمة العيش فيكي بقيت مستحيلة , آه يابلد يالي ارضك اتباعت حتة حتة واحنا ساكتين , آه يابلد يالي هواك دلوقتي بقي معرووض للبيع , آه يابلد يالي اصبحت فيكي روبي ونانسي قدوة بناتك , آه يابلد يالي بقي عمرو دياب قدوة شبابك , آه وآه و آه يابلادي .

في البداية انا فعلا اسف جدا اني بقالي كتير مكتبتش حاجة يمكن عشان الوقت مش متاحة للكتابة او يمكن اني مش فاضي

البوست بتاع النهاردة بصراحة بكتبه من جوه قلبي هو مش مرتبط بموضوع معين لأن الي في دماغي مواضيع كتير حتكلم بإيجاز عنها.

بس انا حبيت احطله عنوان وهو آه يابلادي

اول حاجه حكتب عنها كليتي وبما اني بكالريوس السنة ديه فانا بقالي خمس سنين في الكلية لغاية اما حنفجر الاسبوع الي فات عملت إدارة الكليات انتخابات وطبعا زي كل سنة كوسة واسطة للصبح ومن غير حد ما يعرف , الواحد بصراحة بيشيط اما يشوف ظلم قدام عينه ويفضل ساكت عملنا زي كل سنة ما بنعمل وبرضه الظلم بيطغي وبيكبر عارفين ليه

لاننا احنا بس الي بنتحرك انما بقيت الناس جبانة وخايفة مش عارف ليه مع انهم عارفين انهم في النهاية كده كده حيتظلموا ما هي اصلها بفيت اصل في حياتنا.

علي العموم فكرنا في حاجة كويسة اننا نعمل قايمة سوداء ونوزعها ونعلقها في الكلية وطلعت اعلنت عنها وتخيله ايه الي حصل

الطلاب الغلابة الي اتكتب اسمهم سد خانة عشان يكملوا العدد طلعولي كلهم بيقولوي متكتبش اسمينا احنا مالناش ذنب بس اسمحهولي اصرخ واقول : مين الي ليه ذنب في البلد ديه من الي خلي ناس زي الظلمه دول يفتروا علينا ؟؟

والسؤال ده انا بطرحوا للناس كلها وياريت حد يجاوبني عليه ؟

تاني حاجة حكلم فيها ملتقي يالا نفضحهم

فضل من الله اني كنت من فريق العمل بتاعه

بصراحة تعبنه جدا وانا بتقدم بخالص الشكر وبقول لكل اعضاء الفريق جزاكم الله خيرا وتقبل الله منا ومنكم

مع انه حصل بعض الأخطاء ولو في حد زعل منها ياريت ميزعلش لازم كده في البداية لازم يكون في أخطاء .

بصراحة الواحد فرح جدا اما شاف جموع المدونين الي حضروا حسيت بعزة وفعلا كنت عايز اقوم ونادي : يا خلق ياهو يا ايها الظالمون مصر لسه بخير اولاد مصر لسه بيحبوها .

كنت عايز اقولها بعلو صوتي وانا فعلا قولتها لما المدونين طلعوا اتكلموا حسيت فعلا اني انا الي بتكلم كل حرف اتقال في الملتقي حسيت انه طالع من جوايا انا مش من الي بيتكلم بس انا ليه طلب عندكم :

ياريت ياريت نفضل نحبها علي طول ......!

ثالث حاجة حكلمكم فيها هو بيع اسم مدينة الأقصر

انا بصراحة مش عارف الخبر صحيح ولا لا

بس بيني وبينكم انا اتفجعت لسبب انا سألت سؤال:

انا من الإسكندرية لو في مرة سفرت وسمعت ان هما باعوا اسم الاسكندرية وجيت قطعت تذكرة عشان ارجع حرجع علي فين ؟؟؟ مش عارف حرجع علي بلدي ولا حرجع علي بلد تانية وبيت تاني .

يعني حسبتها قلت لنفسي ماهو كده ممكن حد يجي يبيع بيتي الي انا قاعد فيه ده بالعكس ممكن يبيع اسمي واسم ابويه واسم جدي

وحبقي مين سعتها حبقي شخصية مجهولة بلا اسم ولا عنوان

فعلا تخطيط كبير لمحو هوية شعبنا و هوية اسلامنا

ربنا فعلا يكون في عونا مش عارف حنلاقيها من إلي جوه ولا من اللي بره

بصراحة من كتر الي الواحد بيشوفه وبيسمعه حاسس بكبت فظيع حاسس انه حييجي عليا يوم وانفجر

عشان كده قلت انفجر احسن علي المدونة وقول بعلو صوتي

آه آه آه آه يابلد

ملامح مصرية

السلام عليكم ورحمة الله
إلي كل مصري يحب بلاده ..... إلي كل نقطة دم أراقة في سبيل تحريره ...... إلي كل نقطة دمع

من أجل حب تراب مصر

إلي كل شيخ .... إلي كل شاب ... إلي كل طفل ....إلي كل فتاة

اكتب هذة الكلمات إلي كل حاكم ظالم طاغي .... إليِ كل وزير سارق ..... إلي كل شرطي فاسد

اكتب هذه الكلمات من وحي حقيقي ورؤية واضحة

أبدأها من حيث بدأت مصر عهد الظلم والطغيان من حيث بدأ هذا

هذا الملك ظلم أهل مصر بتعاونه مع الإنجليز أعداء البلاد وظلمه لأهل مصر فلاحيها ومثقفيها , عرفت مصر في عهده الطبقات الفقيرة والمتوسطة والغنية وكانت طبقة الأغنياء هم سادة مصر وحكامها

وكان حال مصر كما نعلم في أسؤ حال فكان عرش مصر بالتوريث وكان يجلد أبناءها من أجل خدمة الملك كما في الصورة

وجاء بعد ذلك العهد عهد الثورة ونحن نعلم جيدا ما حدث فيها وكان يجب ان ندعيها بانقلاب وليس الثورة لأن الثورة هي التي يخرج فيها الشعب أما تلك فخرج فيها الجيش

جاء بعدها حاكم مصري ولكنه لم يمكث طويلا فغدر بيه من بعده وهو محمد نجيب

فنفيه جمال عبد الناصر وأخذ منه حكم مصر وكان يتميز عبد الناصر بحب الناس له وذلك من تأثير خطبه الرنانة وحسن قيادته

ولكن حدث في عهد الكثير والكثير منه الخير ومنه السوء

الخير مثل إنشاء السد العالي وبعض الناس والعلماء يعتقدون انه لم يكن موفق فيه لانه قلل من خصوبة تربة مصر

وتأميم قناة السويس وغيره

السوء مثل النكسة واعتقال كثير من علماء الإسلام وقتل سيد قطب

جاء بعد عبد الناصر الرئيس محمد أنو السادات استطاع أن يقضي علي مراكز القوي وكان يريد ان ينشئ دولة العلم والإيمان ولكنه للأسف تركه بعد ذلك استطاع ان ينتصر في معركة اكتوبر وجاء بالنصر لمصر , ولكنه عقد معاهدة السلام التي تعتبر عار في تاريخ مصر وهي التي تقيد مصر حتي الآن للتعامل مع اسرائيل

كان هذا هو الرئيس انور السادات وكنت بسمع كلمة بيقولها والدي الي متغناش في عهد السادات مش حيتغني تاني شكله كان عنده حق لان الي بعد ما يعلم بيه إلا ربنا .

جاء بعد الرئيس السادات الرئيس الحالي محمد حسني مبارك وإليكم بعض الصور الخاصة بيه وبعائلته

وراء كل رجل عظيم إمرأة علي رأي المثل ما شابه أباه فما ظلم
وفي عهد الرئيس مبارك حدث الكثير والكثير لن أتحدث عنه ولكن الصور من سيتحدث

هذا هو الشعب المصري في عهده

وهؤلاء هم شرفاء مصر

وهذة هي الحكومة المصرية

وربنا يعافينا منهم

اتمني من الله سبحانه وتعالي ان يكون قد وفقني في توضيح الصورة ومستني تعليقاتكم علي هذا البوست

من أجل مصر جاء هذا التجمع

من اجل كرامتك التى اهينت كان لازم نفضحهم
يلانفضحهم .... من أجل كل سجين رأي في وطننا العربي ......
يلا نفضحهم ..... من أجل كل سجين فكرة .....أو مبدأ ..... أو حتي حلم ......
يلا نفضحهم ..... من أجل كل فرد أعتقل من أجل كلمة أو معتقد أو طرح ....
يلا نفضحهم .... من اجل اناس اكتوت جلودهم بنار الكرابيج فما استطاع احد ان يأخذ على ايدى جلاديهم
يلا نفضحهم .... من اجل من اقشعرت ابدانهم من صعقات الكهرباء فى الغرف المغلقة وما ستطاع احد ان يخفف عنهم
يلا نفضحهم ..... من اجل من انطلقت صرخاتهم تدوى من سياط التعذيب وسياط الظلم فما سمعهم احد
يلا نفضحهم .... من اجل اناس ابرياء القوا من شرفا ت المنازل لا لجرم فعلوه الا انهم طالبوا بحقوقهم
يلا نفضحهم .... من اجل اناس احرقت اجسادهم ودفنوا دون ان يعلم ذوويهم حتى مكان قبورهم ليزروه
يلا نفضحهم ... من اناس اقتحمت بيوتهم فى ظلمات الليالى وانتهكت حرماتها وسرقت اموالهم وروع اطفالهم وسجنوا دون ذنب لم يحاسب المجرمين القتلة
يلا نفضحهم .... من اجل جبابرة طغاة قابعون على رؤوسنا فسرقوا ونهبوا ولانستطيع ان نشم انفاسنا من شدة ظلمهم وبغيهم
يلا نفضحهم .... من اجل دموع المعذبين ... وصرخات المكلومين .... واهات المظلومين المغلوبين على امرهم
يلا نفضحهم هى دعوة صادقة من اناس اختلفت افكارهم ... اختلفت اتجاهاتهم .... تباينت انتمائتهم.... ا
ولكن توحدت عقولهم وقلوبهم واقلامهم على "يلا نفضحهم "ا

شارك معنا وانضم الينا في لجنة الدفاع عن سجناء الرأي وحقوق الإنسان

شارك معنا بارسال حدث وتفاصيله لكي نفضح الظالمين ونفضح مهازلهم

انضم إلينا في يالا نفضحهم

www.dahayaa.com